December is ’n moand van feest, spel en bezinnen

Op vief december komt Sunterkloas weer bie veul gezinnen

Veur de klainsten is dat oaltied weer ’n spannende tied, rond dai doagen

Kadootjes uutpakken en sukkeloar en marsepein vullen weer hail wat moagen

Decemberdoagen binnen voak guur en kil

En op ’t boerenlaand is ’t stil

De vogels zitten boeten op wat voer te wachten

En er komt weer ’n extra deken op berre veur de kolde decembernachten

De oavonds binnen laank en de spellen kommen weer op toafel in menig huusholden

Mor ’t is ook ’n tied veur griep en neusverkolden

’n Witte Kerst hebben we al joaren nait meer

En dat geft juust met zulke doagen sfeer

Kerst is ’n feest van kadoos en lekker eten

Doar is niks mis met, mor loaten we de Kerstboodschap nait vergeten!

Kerst is veural ’t feest van de geboorte en van ’t licht

En natuurlijk ook van ’n gedicht

’t Is ook ’n feest van waarmte zo aan ’t lest van ’t joar

Met de familie hail dicht bie elkoar

Mor mensen dai allain binnen, vuilen met zulke doagen juust het gemis

Ze missen de waarmte en gezelligheid, wat de reden ook is

En dan op ’t leste dag in december mok je de ballans op

van alle mooie en minder mooie dingen

Stoan even stil bie ’t oafgelopen joar, gevuld met herinneringen

Misschien is ’t aans lopen dan we hadden dacht

En waren der doagen bie zo duuster as ’n decembernacht

Och, en zo goan we weer noar ’t joar 2009

En ’n ieder veur zich zal ’t weer op zien eigen manair beleven.