door Jan H. Ottens

Ik wait nait hou joe er over denken,

Mor ’k wil d’r toch even aandacht aan schenken:

Als ik langs de stroat loop in Valthermond

Liggen d’r op sommige plekken bulten hondenstront.

En als ik aargens ain hekel aan heb, is ’t dat,

Hondenstront aan de schounen, arregat!

Ik zui wel ’s mensen met ’n scheppie lopen, mor veul ook nait

En dat dut mie wel ’s verdrait.

Zeker, de honden motten hun behoeften ook kwiet,

Mor als ze dat doun, roapt dan even op, dat geschiet.

Nou heur ik al mensen zeggen: ‘Most nait zo zeuren’,

’t Is natuurliek wel zo, ze lotten de honden nooit schieten veur heur eigen deuren.

‘k Heb absoluut gain hekel aan honden, je kinnen d’r veul plezair aan beleven.

Toch hondje uutlotten? Scheppie met en elk en ain is tevreden.