De doagen worden körter, het is minder laank licht

En de natuur krigt weer ´n aander gezicht.

De luchten binnen grauw en gries

En op de autoroeten zit soms alweer ies.

Het blad ligt weer op bultjes bie de stroat,

Omgeven met goas en droad.

De tied van´t blad is veur de mainsten boalen

En straks mouten we d´r misschien ook nog veur betoalen.

Kinder goan deur weer en wind noar school,

Het is weer tied veur snert, dreugebonen en boerenkool,

De kachel draait weer op volle toeren

En de vogels zitten op´n stukkie brood te loeren.

November is de slachtmoand van vrouger eer,

Zwien op de ledder, dat beeld vergeet ik nóóit meer.

De bloumbollen zitten weer in de grond

En rond tien november, verschient weer ´Kiek op de Mo(a)nd´.

Op elf november goan de kinder langs de deuren

Met zulf gemokte lampions in alle kleuren.

´t Joar is zo weer om, wat ´n geroas,

Mor eerst kriegen we nog Sunterkloas

En dan op noar de kerstdoagen, ´n mooie tied,

En veur dat we er op verdacht binnen, binnen we 2010 ook weer kwiet

En is ´t weer 2011 op de kalender.

Och, en het is ook zo weer november.

 

Jan H. Ottens