Hol mie vast.

Hol mie vast, as k wankel bin

zörg veur mie, als k nait meer kin

Hol mie vast, in mooie doagen

mor, ook as ik vol zit met vroagen

Hol mie vast, as k verdrailek bin

ain uutgestoken haand,  n waarme  stem

Hol mie vast, as k opstandig bin

en mie òfvroag,  het nog wel zin

Hol mie vast,  in duustere doagen

as t stoer is om t verdrait te droagen

Hol mie vast, as k niksmeer kin

en deur zaikte overvoalen bin

Hol mie vast, as alle hoop vervlogen is in t leven

en het gevecht op mout geven

Hol mie vast, in mien leste doagen

dicht bie mekoar om t verdrait te droagen

Hol de mooie herinneringen vast, as k der nait meer bin

wieder met mekoar,  zunder mien stem

Hol mekoar vast, ook al zal t soms stoer goan

t leven bestaait uut mooie mementen,  mor ook uut n troan troan 

Jan H. Ottens.