door Jan H. Ottens

Bie oald en nij wensen de mensen

Elkoar de beste wensen.

De aine zegt: gelukkig nij-joar

’k Hoop dat beter gait veur joe met mekoar.

Weer’n aander: veul zegen, of: alles wat wenselijk is.

Och, als de mensen joe het beste wensen is dat natuurlijk nooit mis.

Veural als we goaie veurnemens hebben in’t nije-joar

Op dieet, stoppen met roken of meer bewegen met mekoar.

En natuurlijk minder alcohol drinken en zulks meer

En nait meer zo haard rieden in’t verkeer.

Och, mainstied goan de veurnemens ’n poar weke goud

En voalen dan weer terugge in ons oale fout.

’k Was negen pond kwiet in acht doagen

Mor kon de verleiding nait meer verdroagen.

En stoppen met roken, kwui d’r narrig van

Bin mor weer begonnen, vond gain goud plan.

En alle doagen meer bewegen

Vuil mie ook behoorlijk tegen.

Mor, teveul alcohol drinken

Doar mouten je oaltied aandacht aan blieven schenken.

En als je aan ’t autorieden binnen, mouten je op joen kilometerteller letten, allicht

Mor als joe dat niks kin schelen, dan kriegen je vanzulf bericht.

De beste wensen goan elk joar weer in’t rond, veur elk en ain

Och, en ain steuntje in de rugge van ’n aander is oaltied fijn.

En of we nou op dieet, stoppen met roken of meer bewegen goan

We mouten d’r zulf wel oaltied achter stoan.

En als je joen doel bereikt hebben dit joar

Kinnen je trots op joe zulf wezen, echt woar.

Mor wat je ook van plan binnen dit joar

Ik wens joe het allerbeste met mekoar.