Door Jan H Ottens

Goa mor mien jong

Dien stried is nait te winnen

Noar de plek hier ver weg

Woarst doe de rust krigst van binnen.

Dien lichoam kin nait meer

Hest zo voak zegt: 'ik wil gain lieden'

Hoop was d'r oaltied

Mor hier is nait tegen te strieden.

Doagen en nachten hebben we proat

Over wat oans stait te wachten

Met dikke troanen op de wangen

Ging van alles deur oans gedachten.

Er kwamen ook mooie herinneringen noar boven

Herinneringen van bliedschap en geluk in 't leven

Met oans baide dichtbie mekoar

Om 't verdrait te dailen en troost te geven.

De leste doagen is zien stem hail zwak

Zien ogen zuiken noar de rust

Het is slechts 'n moment van tied

Dat hij deur de dood wordt gekust.

Goa mor mien jong

Noar de plek woar het oaltied vrede is

Het is beter zo veur die

Ondanks dat ik die zo vreselijk mis.