Niks is veurspelboar in oans bestoan,

As we geboren worden, mouten we ook weer goan.

Mor, soms komt dei tied hail onverwacht,

Aan de dood hadden we nog nait dacht.

Nee, de dood hebben we nait veur´t zeggen in oans leven

En soms mouten we het al jong uut handen geven.

Johan Kloppenburg, had ook nog plannen zat,

Mor de dood kwam onverwachts op zien pad.

Op vrijdag 17 juli hebben we ofscheid nomen van Johan´s oards bestoan

En mouten we nou zunder hom verder goan.

Johan, was veur Kiek op de Mo(a)nd ain fijne kracht,

Mor, de dood kwam veur hom onverwacht.