’t Is weer sikkom vakantietied

En veur sommigen is dat oaltied weer´n stried.

Weken van te veuren binnen ze de koffer al aan´t pakken,

Wat veur schounen mouten oal met? Dei met lege of hoge hakken?

O ja, zwemkleren mouten we ook nait vergeten!

En veur onderweg natuurlijk genog eten:

Dreugeworst, stoede, slikkerij en hailveul drinken,

Man, man, man, je mouten ook overoal om denken.

’n Trui, regenjaaze en stevels, veur de kolde en regenachtige doagen speulkoarten, knobbelbeker,

verrekieker en ganzenbord, de koffer is hoast nait meer te droagen.

Zunnebrille, handdouken en ondergoud liggen al weken kloar

Bezoen, körde en lange boksem, van ieders drij poar.

En as we dan eindelijk in de auto zitten en bedenken wat we allemoal binnen vergeten,

Schut oans van alles te binnen, ondanks de veurbereiding van weken.

Och, en voak komt de helfte de koffer nog nait uut, en kin zo weer met noar huus

En ik denk dan ook wel ’s: ´t is naargens beter as thuus.

Ieder het weer’n aandere bestemming en woar de reis ook noar tou gait:

Geniet van joen vakantie, dat is wat veurop stait!

Mor denk ook goud om joen kadde of hond in vakantietied

Kniene, ponnie, kanarie, sikke, marmotje, schilpad, goldvis of parkiet.

En as je thuus blieven in Voalthermond of woar je ook wonen, is ’t ook gezellig, veuroal met mooi weer                             .

Kiekers, allemoal ’n fijne vakantie!

En tot de volgende keer.