Door Jan H. Ottens
’t Is weer volop lente in Voalthermond,
De gewassen zitten weer allemoal in de grond,
Alles is weer gruin van kleur,
Van Noord noar Zuud en van achter noar veur.
De mensen binnen weer in heur toentje aan´t wieden
En deur Voalthermond zui je weer meer fietsers rieden.
Zwembad ‘De Zwaoi’ is weer open
En trimmers dei bezwait bie de stroade lopen.
De merels zingen hun hoogste laid
En ain reiger dei roerloos bie de wieke stait.
De eerste jonge vogels hebben hun nust verlotten,
Fuchsia´s en geroaniums zitten weer in de boetenpotten.
De zunne krigt oalmeer kracht in dizze tied
En de nachtvorsten binnen we weer kwiet.
De grasvelden binnen weer mooi strak
En de toenbaanke zit weer in de eulie of lak.
In ain hoge boom in de Koavelingen
Zit´n liester uut volle borst te zingen.
Hier en doar roeken je weer de barbecue lucht
En jonge postdoeven begunnen aan hun eerste vlucht.
In alle vrougte aan de Vrijheidsloane
Kraait om de hoaverklap ´n hoane.
De eerste sniemous is al kloar
En mensen mokken boeten weer´n proatje met elkoar.
Aan de Voalthermondse Dikbroeken
Roupen in de verte twij koekoeken.
´t Is weer lente in Voalthermond.
Op de boerenploatsen kommen de eerappels hier en doar al boven de grond.
Lente is´n mooie tied van´t joar,
Het brengt de mensen weer dichter bie elkoar.
