Poasen wordt in veul landen in de wereld viert, wied en zied

Mor wat betaikent poasen nog veur oans in dizze tied?

Och, we hebben ain extra vrije dag of doagen

Nee, door heuren je oans ook nait over kloagen

We goan der opuut of met de familie lekker eten

Met poasen is´t feest en dat willen we vieren, zeker weten!

Veul winkels binnen met de poasdoagen open

En we kinnen van de aine noar de aander poasshow lopen

Poasdoagen binnen gezellig, ´n poasvuur en neutenschaiten

Mor houveul mensen zallen de betaikenis van poasen nog waiten?

De betaikenis van poasen is nait ´n poasshow, lekker eten uut of thuus

De boodschap van poasen begunt op goede vrijdag aan´t kruus

Goede vrijdag en poasen, stoan veur dood en leven en nait aandersom!

Met poasen stoan we stil, dat Hij de dood overwon

Poasen is´n feest van de opstanding, poasen is´n nij begun                                                              

Veur zwaart, blaank, groot, klain, dik of dun

De betaikenis van poasen is veur oans allemoal geliek

Of we nou aarm binnen of riek!

En woar we met poasen ook goan of stoan

Het is aan oans zulf, hou we door met omgoan.