Door Jan H. Ottens

Handen kinnen veul zeggen

Handen spreken hun eigen toal

Wat handen oans willen vertellen

Begriepen we dat allemoal?

Handen kinnen we voalen om te bidden

Handen wiezen oans de weg

´n Handgeboar van kom mor hier

Of goa mor weg!

We kinnen met de handen groeten

Of oafscheid nemen in ´t leven

Handen kinnen ontvangen

Mor handen kinnen ook geven.

Handen kinnen kwoad doun

Mor handen kinnen ook strelen

Handen dei oans geruststellen

Vreugde, zörgen of piene delen.

Mensen stoan soms met lege handen

En de aander kin het hoast nait droagen

Handen dei zich verrieken aan geld en macht

Handen dei nooit geven, mor oaltied vroagen.

Handen kinnen veul zeggen

Handen spreken hun eigen toal

Handen dei geven, zallen ook ontvangen

Begrepen we dat mor allemoal.

Handen kinnen veul zeggen

Hailveul zulfs in oans leven

Mor veur oans allemoal komt´n tied

Dat we alles uut handen mouten geven.